ياللي غيابك طال و بحقي أخطيت
هذا شهر ماشووف للوصل نية
هن كانن أسبوعين لكن تماديت
في غيبتك كنك موصى وصيه . .
لعبت بأعصابي ولا قلت مليت
لا راح باجر أقول باجر مجيه
الله ياني في غيابك تحريت ،
أثر المفارق صعب ماهو شويه
عقبك مشاويري من البيت للبيت
أخاف لادقيت ماني هنيه !
عانيت أنا في غيبتك حيل عانيت
لابغضني للبعد لا رحم حيه
هذا شهر وش عاد لو أنك أبطيت
والله لتلقالك هنياآ ضحيه . .
البارحه ما بين يمكن و ياليت
و أبليس يتركني و يرجع عليه ،
فكرت لو طول غيابك ولا جيت
يعني كذا روحه و من غير جيه
خانتني الدمعه و طاحت و صديت
ملعون أبو التفكير يذبح خويه !
ليست هناك تعليقات:
إرسال تعليق